2016-02-12 大嶼發展搞公眾論壇團體：5 個鐘點夠？
Ming Pao Daily News
A12 | 港聞 | 2016-02-12
政府喺上月底展開為期3個月嘅「大嶼山發展公眾參與活動」，收集市民對發展大嶼山嘅意見，今個月就分別會喺20 號同28 號，喺東涌黃楚標中學同中環愛丁堡廣場舉行公眾論壇，有興趣出席嘅市民，可以上大嶼山發展諮詢委員會嘅網頁（www.landac.hk）登記。
發展大嶼山一直有唔少爭議，曾經喺發展局長陳茂波落區時，向對方遞交請願信嘅「守護大嶼聯盟」召集人謝世傑，就質疑呢兩場公眾論壇只係「形式上」嘅諮詢，因為發展大嶼山咁大件事，又點可能喺兩場共只有5個鐘嘅論壇，就引發到全香港人討論呢？謝世傑話，聯盟成員雖然唔會以聯盟名義出席論壇，但相信佢哋會以其他身分，喺場外向出席官員表達訴求。
謝世傑又認為，政府今次嘅公眾參與活動「有晒前設」，最終政府都係會推自己想推嘅項目，佢反建議官員出席民間團體舉辦嘅諮詢，咁就真係聆聽民意喇。
A12 | 港聞 | 2016-02-12
政府喺上月底展開為期3個月嘅「大嶼山發展公眾參與活動」，收集市民對發展大嶼山嘅意見，今個月就分別會喺20 號同28 號，喺東涌黃楚標中學同中環愛丁堡廣場舉行公眾論壇，有興趣出席嘅市民，可以上大嶼山發展諮詢委員會嘅網頁（www.landac.hk）登記。
發展大嶼山一直有唔少爭議，曾經喺發展局長陳茂波落區時，向對方遞交請願信嘅「守護大嶼聯盟」召集人謝世傑，就質疑呢兩場公眾論壇只係「形式上」嘅諮詢，因為發展大嶼山咁大件事，又點可能喺兩場共只有5個鐘嘅論壇，就引發到全香港人討論呢？謝世傑話，聯盟成員雖然唔會以聯盟名義出席論壇，但相信佢哋會以其他身分，喺場外向出席官員表達訴求。
謝世傑又認為，政府今次嘅公眾參與活動「有晒前設」，最終政府都係會推自己想推嘅項目，佢反建議官員出席民間團體舉辦嘅諮詢，咁就真係聆聽民意喇。
